RRETH KOMPLEKSIT

Kompleksi Rezidencial “Tirana Uptown” në Rrugën "5 Maji" përbëhet nga 10 godina. Ai do të zhvillohet në tre faza ndërtimi dhe çdo fazë është konceptuar si një kompleks autonom në vetvete i përbërë nga apartamente banimi, ambiente tregtare, parkim nëntokësor, hapësira rekreative, sheshe dhe gjelbërim.
E integruar në kompleks ndodhet një fashë e gjelbëruar e cila lidhet me “Pyllin Orbital” të Tiranës i cili ndodhet vetëm 300 metra në veri të kompleksit.

Oborret e brendshme të blloqeve individuale janë të orientuara nga jugu, plotësisht të hapura dhe kjo bën të mundur diellëzimin e favorshëm për të gjithë ambientet.
Strukturat zhvillohen nga 8 deri në 10 kate dhe çdo objekt i secilit bllok ka nyjën e vetë shkallë-ashensorë, me jo më shumë se 5 apartamente në kat.

Faza e parë e kompleksit “TIRANA UPTOWN” përbëhet nga godina 9 dhe 10 kate dhe 5 shkallë.

Kompleksi ofron apartamente 1+1, 2+1 dhe 3+1 me sipërfaqe nga 60-128 m2.
Tirana Uptown do të ketë një sipërfaqe ndërtimi mbi tokë prej 55.224 m2, nga të cilat 49.420 m2 apartamente dhe 5.804 m2 hapësira tregtare. Gjithashtu kompleksi do të ketë edhe 20.766 m2 parkim nëntokësor. Sipërfaqja totale e ndërtimit është 75.994 m2.

VENDNDODHJA

Kompleksi i ri rezidencial “TIRANA UPTOWN” ndodhet në zonën veriore të Tiranës vetëm 1.8 km nga Qendra e qytetit në Rrugën “5 Maji”. Zona është e përbërë nga godina e komplekse banimi të ndërtuara vitet e fundit dhe prej tregut tradicional të Tiranës në fillim të rrugës 5 Maji.

Rruga kryesore e kompleksit e cila vjen pingul me rrugën 5 Maji, do të ketë gjithashtu akses të drejtpërdrejtë në unazën e Tiranës duke qënë një alternative për të anashkaluar Rrugën 5 Maji veçanërisht gjatë orareve të pikut tregtar.

SHKOLLA, KOPSHTE DHE CERDHE: është shumë e thjeshtë të rrisësh fëmijë në zonën e Rrugës “5 Maji” falë afërsisë me institucionet shkollore e parashkollore, si publike dhe private.

SHËNDËTËSIA: Në afërsi të zonës ndodhen qendrat spitalore më të rëndësishme në vend si QSUT, klinika të ndryshme etj.

Gjithashtu kompleksi lidhet me “Pyllin Orbital” të Tiranës, duke krijuar mundësinë e një jete të shëndetshme, me aktivitete në natyrë.

INFRASTUKTURA: Zona ka një plan zhvillimi shumë të mirë, me komplekse banimi të ndërtuara vitet e fundit dhe të mirë-organizuara. Momentalisht është një nga zonat me zhvillimin më të shpejtë dhe kërkesë në rritje.

TRANSPORTI: Zona është lehtësisht e aksesueshme me transport publik nga qendra e Tiranës nëpërmjet disa linjash të transportit publik.

CILËSIA E NDËRTIMIT

PRIORITETI YNË

Kompleksi “TIRANA UPTOWN” është konceptuar me standardet më të larta të ndërtimit në vend. Termoizolimi tërësor, izolimi akustik maksimal, ventilimi individual së bashku me detajet e tjera inxhinierike e materialet më të mira, janë mjetet tona kryesore për të ndërtuar apartamente sa më komode.

Termoizolimi, sistemi i izolimit akustik (ka njëkohësisht funksion edhe termoizolues), postet e paneleve diellore për çdo apartament dhe vetratat me xham të dyfishtë dhe profile plastike bëjnë të mundur efiçencën energjetike maksimale sipas standarteve evropiane në përputhje me nevojat e diktuara nga kushtet klimaterike lokale.

cilesia

ARKITEKTURA

Kompleksi “TIRANA UPTOWN” ka një arkitekturë moderne me ngjyra neutrale të konceptuara për t’i rezistuar kohës dhe ndryshimeve të tendecave. Dritaret e vetratat janë të stilit francez (të larta por të ngushta), të cilat lejojnë ndriçim të mjaftueshëm në ambient, por njëkohësisht shfrytëzim maksimal të hapësirës brenda dhomave. Kangjellat dekorative dhe parapetet metalike të ballkoneve janë projektuar si zgjidhje e veçantë arkitektonike por edhe si elementë sigurie për të gjitha moshat.

INFRASTRUKTURA PËRRETH

“TIRANA UPTOWN” ndodhet në një zonë ku ka në afërsi të gjitha facilitetet rezidenciale si super-markete, shkolla, kopshte, qendra shëndetësore stacione autobusësh dhe çdo gjë tjetër të nevojshme për një jetesë komode.

PLANIMETRITË

Tirana Uptown është e përbërë nga apartamente 1+1, 2+1 dhe 3+1. Çdo hapësirë është e shfrytëzuar në mënyrë maksimale për një jetese sa më komode.

INFRASTRUKTURA E KOMPLEKSIT

Kompleksi “TIRANA UPTOWN” do të ketë të gjithë infrastrukturën e nevojshme për personat me aftësi të kufizuar, hapësira teknike, ndriçim, hapësira pushimi, sipërfaqe të gjelbëruara të përbashkëta për një jetë komunitare komode.

HAPËSIRAT TEKNIKE

Hapësirat teknike të kompleksit “TIRANA UPTOWN” janë të mirë organizuara. Kompleksi ka një sistem hidraulik me një rezervë të përbashkët uji sanitar me autonomi 3-ditore prej rrjetit shpërndarës. Gjithashtu, kompleksi ka sistem anti-zjarr me depozitë rezervë dhe hidrantë për çdo emergjencë. Ka gjithashtu të projektuar rrugët për ventilimin e tymrave dhe hyrjen e ajrit të freskët në rast emergjence. Kompleksi gjithashtu është i pajisur me gjenerator për funksionimin e ashensorëve, pompave të ujit dhe ndriçimit në rast të ndërprerjes me energji elektrike..

HAPËSIRA TË TJERA:

KATI PËRDHE (hapësira tregtare)

Duke qënë se zona ka karakter tregtar, ambienteve të tregtare u është kushtuar një rëndësi e veçantë. Kati përdhe është projektuar me ambiente tregtare për të inkuruajuar shërbime në funksion të komunitetit si supermarkete, palestra, pastrime kimike, bare etj.

PARKIMI

Tirana Uptown ka 2 kate parkimi nëntokë të cilat shtrihen në të gjithë gjurmën e secilit bllok godinash dhe për çdo apartament është mundësia e blerjes ose qiramarrjes së një posti parkimi. Parkimi aksesohet nëpërmjet ashensorëve deri në -2 dhe ka shkallë emergjence.

KORRIDORET – PUSET TEKNIKE

Korridoret e shkallët janë me hapësira optimale për shfrytëzimin normal por pa shpërdoruar hapësirat e përbashkëta. Shkallët janë të veçuara me dyer në çdo kat për izolim akustik maksimal dhe për të minimizuar humbjet termike. Puset teknike janë të aksesueshëm në çdo kat për instalim të lehtë të infrastrukturës së shpërndarjes së inernetit/telefonisë etj.

cilesia

TERMOIZOLIMI

SHTËPI E FRESKËT NË VERË DHE E NGROHTË NË DIMËR

SISTEM KOMPLEKS

Termoizolimi në kompleksin “TIRANA UPTOWN” realizohet nga një ndërthurje sistemesh inxhinierike të cilat së bashku arrijnë efikasitetin më të lartë. Muratura e dyfishtë është aplikuar me një shtresë leshi-guri të dendur (100kg/m3) për izolimin akustik ndërmjet apartamenteve dhe njëkohësisht i shtohet sistemit të termoizolimit duke shmangur humbjet ndërmjet apartamenteve.

sistem kompleks

FASADË E VENTILUAR

Fasada e ventiluar është fjala e fundit e teknologjisë për sa i përket izolimit termik.
Ajo realizohet nëpërmjet teknikës së quajtur “Lëkurë e dyfishtë“ ku midis shtresës termoizoluese (lesh-guri) dhe veshjes së jashtme krijohet një hapësire boshe jo më e vogël se 2 cm hapësire e cila bën të mundur ventilimin e ajrit.

Disa nga përparësitë e fasadës së ventiluar janë:

Jetëgjatësia dhe qëndrueshmëria.
Kursimi energjetik është maksimal.
Rezistencë ndaj çdo faktorëve klimaterik.
Rezistencë ndaj zjarrit.
Nivel i lartë i izolimit akustik
Eliminimi i avujve të kondensuar dhe lagështisë

fasada e ventiluar

IZOLIMI AKUSTIK

Komoditeti në shtëpi është i lidhur ngushtë me qetësinë e privatësinë. Muratura e dyfishtë me një shtresë pambuku mineral ndërmjet apartamenteve aplikohet për izolim akustik maksimal. Gjithashtu aplikohet dyshemeja notuese me një membranë phono-strip dhe phono-stop për izolimin e zhurmave që transmetohen nëpërmjet soletës, kolonave dhe elementëve të tjerë strukturorë.
Sistemi i izolimit akustik synon eliminimin e zhurmave deri ne nivelin 70 dBA (decibel), duke përdorur të gjitha materialet e nevojshme, siç paraqitet në skemën më poshtë

ZHURMA AJRORE TË BRENDSHME

Zëri i lartë i radios, televizorit, muzikës, bashkëbisedimit janë zhurma që vijnë nga apartamentet e tjera ngjitur.
Kriteret kryesore për izolimin e këtyre zhurmave janë ngurtësia e mureve dhe përdorimi i materialeve zë-absorbuese.

Muret ndarëse ndërmjet apartamenteve dhe hollit të përbashkët janë mure notues të dyfishtë me lesh guri zë-izolues në mes.

ZHURMA NGA PAJISJET E SHËRBIMIT

Të gjitha pajisjet e shërbimit janë të montuara në vende të posacme dhe të gjitha instalimet bëhen duke respektuar udhëzimet e prodhuesit për të arritur nivelin më të ulët të zhurmave. Tubacionet e furnizimit me ujë dhe shkarkimeve janë të vendosura në puse të posacme dhe të izoluara me një shtresë lesh guri. Gjithashtu dyert e jashtme të apartamenteve kanë një mbushje zë-izoluese dhe guarnicione të cilat minimizojnë zhurmat.

ZHURMA IMPAKTI

Goditje apo vibrime të cilat vijnë nga lëvizje mobiliesh, ecje me taka, rrëzim objektesh etj. Dyshemeja notuese e aplikuar në Kompleksin TIRANA UPTOWN konsiston në një shtresë 6 cm penobetoni poroz me veti të mira zë-izoluese (shtresë e cila përmban edhe tubat elektrikë/hidraulikë), një membranë zë-izoluese, një shtresë të varfër 5 cm dhe shtresën pllaka/parket. Aplikimi i këtyre detajeve inxhinierike amortizon zhurmat e impaktit ndërkohe që membrana zë-izoluese izolon pikat e takimit mes soletës, mureve dhe kolonave.

ZHURMA AJRORE TË JASHTËME

Të quajtura ndryshe “zhurmat e rrugës” që vijnë nga hapësirat e jashtme publike. Izolim i murit të jashtëm perimetral të tullës me sistemin e fasadës së ventiluar dhe përdorimi i vetratave dhe dritareve dopio xham me koeficient të ulët të përçimit të zërit si edhe aplikimi i detajeve inxhinierike reduktojnë zhurmat e rrugës deri në 70 dBA.

shkalla e zhurmave

DETAJE TË TJERA TEKNIKE

KONDICIONIMI

Kompania krijon hapësirat e posaçme për vendosjen e paisjeve multisplit për çdo apartament nga ana e klientëve duke mundësuar një hapësirë të organizuar dhe estetike për godinat.

ASHENSORËT

Strukturat zhvillohen nga 8 deri në 10 kate, ku çdo objekt i secilit bllok ka nyjën e tij shkallë-ashensorë me 4 ose 5 apartamente ne kat. Secili korridor kati lidhet me nyjen e shkallëve nëpërmjet një dere. Kjo zgjidhje ul humbjen termike dhe nuk lejon qarkullimin e zhurmave nëpër shkallë e korridore.

AKSESI

Në Kompleksin Rezidencial Tirana Uptown të gjitha godinat dhe ambientet kanë akses për personat me aftësi të kufizuar nëpërmjet rampave, hapësirave të posaçme të parkimit etj. Kjo infrastrukturë përkthehet automatikisht edhe në lehtësi për karrocat e fëmijëve.

DYERT / DRITARET

Dritaret plastike me xham të dyfishtë termik, të mbushura me gaz argon 90%, me profile plastike termike 70mm kanë koeficient shumë të ulët të përcjelljes termike dhe akustike. Dyert e jashtme të apartamenteve janë të mbushura me një shtresë leshi guri të dendur për izolim më të mirë akustik e termik.

ashensoret parkimi

EFIÇENCË ENERGJITIKE

PANEL DIELLOR PËR ÇDO APARTAMENT

PROGEEN promovon efiçencën energjetike dhe përveç kursimit nëpërmjet termoizolimit, iu mundësonbanorëve një hapësirë të posaçme për panele diellore në tarracë. Kompania ka organizuar hapësirën e tarracës së secilës godinë për shfrytëzim të energjisë diellore. Çdo familje ka mundësinë të instalojë panele diellore për ngrohjen e ujit në hapësirën e tyre të posaçme duke shfrytëzuar infrastrukturën e përbashkët të mundësuar nga shoqëria.